فن بطور مزاحمت: طاہر زمان کی “خوبصورتی اور درد” کی نمائش ایلیانس فرانسز لاہور میں منعقد ہو گی

لاہور: ایلیانس فرانسز لاہور میں معروف عصری فنکار طاہر زمان کے فن پاروں پر مبنی تنہا آرٹ نمائش “خوبصورتی اور درد” کا آغاز پیر، 2 جون 2025 کو شام 6:30 بجے La Galerie میں ہو گی۔ یہ نمائش 5 جون تک جاری رہے گی اور روزانہ شام 5 بجے تک دیکھی جا سکے گی۔ نمائش کی کیوریٹر این-سوفی فرانسیس ہیں۔

ایلیانس فرانسز کے ڈائریکٹر، فابریس ڈیسڈیئراور کیوریٹر این سوفی فرانسیس-، کے مطابق، اس نمائش میں طاہر زمان نے جمالیاتی دلکشی اور انسانی تکلیف کے نازک امتزاج کو موضوع بنایا ہے۔ ان کا فن ناظرین کو اس تلخ حقیقت سے روبرو کرتا ہے کہ بظاہر خوبصورتی اکثر اندرونی صدمات، مراعات اور جدوجہد کو چھپا لیتی ہے۔

گلاب کے کانٹوں کو بطور ذریعہ اور استعارہ استعمال کرتے ہوئے زمان نے ایسے فن پارے تخلیق کیے ہیں جو معاشرتی ڈھانچوں کی عکاسی کرتے ہیں—جہاں ہر پھول اپنے ساتھ ایک زخم بھی رکھتا ہے۔

زمان کا فن شاعری اور سیاست کا امتزاج ہے۔ وہ طاقت، طبقاتی فرق اور ماحولیاتی بحران جیسے موضوعات کو باریک بینی سے بیان کرتے ہیں اور ایسے نظاموں پر تنقید کرتے ہیں جو نابرابری کو قائم رکھتے ہیں۔ گیلری میں آنے والے زائرین ایک گہرے، خام اور روح پر اثر انداز ہونے والے تجربے سے گزرتے ہیں—جو اس بات کی یاد دہانی ہے کہ خوبصورتی، جسے اکثر سراہا جاتا ہے، دراصل درد اور مزاحمت کا استعارہ بھی ہو سکتی ہے۔

“خوبصورتی اور درد” کوئی حتمی نتیجہ پیش نہیں کرتی، بلکہ ایسے تکلیف دہ مگر اہم سوالات اٹھاتی ہے—کہ ہم کیا دیکھنے کا انتخاب کرتے ہیں، اور آسائش و مراعات کے پردے کے پیچھے کیا کچھ پوشیدہ رہتا ہے۔

ایلیانس فرانسز، جو لاہور کی ثقافتی سرگرمیوں کا اہم مرکز سمجھا جاتا ہے، اس نمائش کے ذریعے فنون لطیفہ کے شائقین، نقادوں اور دانشوروں کو ایک منفرد موقع فراہم کر رہا ہے کہ وہ پاکستان کے ایک نہایت بصیرت افروز اور خیالات انگیز فنکار کے فن سے براہ راست مکالمہ کر سکیں